Banorët e Unazës së Re, të mbështtetur nga dhjetra qytetarë të Tiranës, kanë nisur protestën në ditën e tyre të 138, në mbrojtje të banesave.
Nën thirrjet “shqiptarët e bashkuar kanë për të fituar”, disa qindra qytetarë kanë kërkuar lirimin e Dorian Protoduarit, i cili është ndaluar nga policia pas përfundimit të protestës së sotme të opozitës para Kuvendit.
Banorët e Unazës së Re i kanë kërkuar qytetarëve që t’i bashkohen protestës së tyre.
“Rama ik, Rama ik”, “Edvin hajdut, legen” dhe “Ejani mblidhuni, këtu, këtu”, banorët e Unazës së Re, po zhvendosen drejt Drejtorisë së Policisë së Tiranës, atje ku mbahen të ndaluar disa nga protestuesit.
Gjithashtu gjatë protestës, banorët e Unazës së Re, kanë hedhur thirrje kundër kryebashkiakut Erjon Veliaj.
“E duam Bashkinë pa Erjon Velinë” dhe “E duam Shqipërinë pa Edi Ramën”, ishin thirrjet në kor të protestuesve.
