Pas më shumë se 5 orësh, ka përfunduar protesta e opozitës. Nga selia e PD-së, nënkryetari i Partisë Demokratike, Edi Paloka u shpreh se s’ka forcë që të ndalë qytetarët të protestojnë për të drejtat e tyre.
“‘Dua t’ju uroj për këtë betejë të sotme që është vazhdim i betejës për të arritur nesër në fitoren e sigurtë. Dua t’ju përshëndes edhe në emër të zotit Basha, i cili vazhdon takimet në Bruksel, takimet më të suksesshme që janë absolutisht pjesë e fitores tonë. Jemi nisur në një rrugë që nuk ka fund tjetër përvec fitores. Sa më shpejt ta kuptojnë këta, aq më mirë do të jetë edhe për ta. Nuk ka asnjë forcë që ndal qytetarët të protestojnë për të drejtat e tyre, nuk ka asnjë forcë që të na ndal në rrugën për një demokraci të vërtetë dhe nuk do të ketë për ata që mendojnë se stabiliteti ka më shumë rëndësi se sa demokracia. Nuk do të ketë asnjë ditë stabiliteti derisa demokracia të mbizotërojë në Shqipëri. Ju falenderoj dhe një herë dhe jam i bindur se me forcën dhe vullnetin tuaj ne kësaj rrugë do ti shkojmë deri në fund dhe me sukses. Rama Ik”, tha Paloka. /Boldenws.al/
https://www.facebook.com/lulzimbasha.al/videos/2085894571707968/
