Bota vërtet ka nevojë për një ditë plot buzëqeshje dhe prandaj Kombet e Bashkuara e shpallën Ditë ndërkombëtare të Lumturisë.
Në korrik të vitit 2012, Asambleja e Përgjithshme e Kombeve të Bashkuara adoptoi një rezolutë, sipas së cilës Dita Ndërkombëtare e Lumturisë do të shënohet çdo vit më 20 mars. 20 marsi është dhe dita e parë e pranverës dhe kemi plot e plot arsye për të na qeshur fytyra dhe të jemi të lumtur.
Sipas raportit të fundit mbi lumturinë botërore Finlanda është vendi më i lumtur në botë për të dytin vit radhazi që pasohet nga Danimarka, Norvegjia, Islanda dhe Hollanda.
Raporti rendit vendet duke u bazuar në gjashtë variabla kyçe që mbështesin mirëqenien: të ardhurat, lirinë, besimin, jetëgjatësinë e shëndetshme, mbështetjen sociale dhe bujarinë.
Zvicra renditet në vendin e gjashtë, e ndjekur nga Suedia, Zelanda e Re, Kanadaja (i vetmi vend në Amerikë) dhe Austria.
