Shkeljet në doganën e Tiranës/ Doganierëve u mbahet rroga, drejtuesit …

Task Forca Antikorrupsion ka marrë 13 masa disiplinore në Degën Doganore Tiranë. Lajmin u bë i ditur Ministrja e Drejtësisë, njëkohësisht Koordinatore Kombëtare e Antikorrupsionit, Etilda Gjonaj.

Ministrja bëri me dije se pas një kontrolli, u gjetën një sërë shkeljesh në doganën e Tiranës dhe si pasojë u morën edhe masat administrative. Ministrja njoftoi pezullimin nga e drejta e rritjes në detyrë për kreun e degës doganore të Tiranës. E njëjta masë, tha ministrja, u dha edhe për Përgjegjësin e Zyrës së Kontrollit Fizik. Për 8 punonjës të tjerë, ministrja bëri me dije se u vendos mbajtja e 1/3-ës së pagës për 6 muaj.

Shkeljet

Ministrja tha se, “strukturat përgjegjëse te degës doganore Tiranë, nuk kanë respektuar procedurat dhe kërkesat e parashikuara në ligjin për evidentimin ndjekjen dhe ekzekutimin e vendimeve administrative të marra nga autoriteti doganor, për vjeljen e detyrimeve doganore të akcizën dhe rikuperimin me forcë të borxhir doganor për periudhën Janar –Dhjetor 2018. Gjithashtu u konstatuan praktika zddoganimi që nuk administrojnë procesverbalin e kontrollit fizik të formulaurt të rivlerësimit doganor, certifikatat e vlerësimit të llojit të mallit dhe klasifikimit tarifor, flet-analizat në mos respektim të parashikimeve ligjore”.

“Gjatë kontrollit janë evidentuar akte kontrolli jo të plota. Duke mos pasqyruar rezultatet e plota të kontrollit fizik sipas kërkesave që përcaktohen aktet nënligjore”, shtoi Gjonaj.

13 masat disiplinore

1. Masë disiplinore pezullim nga e drejta e ngritjes në detyrë përfshire dhe rritjen në shkallën e pagës për një periudhë deri në 2 vjet, për kryetarin e degës doganore Tiranë, i cili ka qenë në detyrë në periudhën e konstatimit të shkeljeve.
2. Të njëjtën masë edhe për Përgjegjësin e Zyrës së Kontrollit Fizik.
3. Masë disiplinore me mbajtjen deri në 1/3 e pagës së plotë për një periudhë deri në 6 muaj, për 5 doganierë të kësaj degë dhe 2 specialistë të zyrës së rikuperimit më forcë të borxhit doganorë, si dhe për specialistin pranë zyrës juridike.
4. Vërejte me shkrim për 3 doganierë pranë sektorit të operacioneve doganiere.
5. Gjithashtu janë rekomanduar edhe 17 masa administrative me qëllim përmirësimin e veprimtarisë së këtij institucioni dhe vendosjen e ligjit në veprimtarinë e Doganave. /Boldnews.al/

https://www.facebook.com/edirama.al/videos/1642877149148765/?notif_id=1553090416613239&notif_t=live_video_explicit