Robert Kovaç dhe Bayern Munchen, nuk janë më në sintoni me njëri-tjetrin, ose më saktë nuk kanë qenë asnjëherë në sintoni me njëri-tjetrin. Zërat brenda Bayern po shtohen gjithnjë e më shumë se Robert Kovaç në fund të sezonit do të largohet nga drejtimi i skuadrës, pasi nuk mund të mbajë mbi kurriz peshën një klubi të madh.
Që Kovaç nuk është trajneri i duhur për bavarezë, u pa qartë që në fillim të sezonit, por që mori përgjigjen përfundimtare përballë Liverpulit.
Në të dyja ndeshjet Bayern i Kovaç ishte inekzistent, në fushën e lojës. Në të dyja sfidat Kovaç rreshtoi në fushë një skuadër e cila luftonte vetëm për nja barazim, pasi stilistikisht Bayerni nuk gjuajti as edhe njëherë në portën e mbrojtur nga Alison.
Pse Kovaç duhet të largohet nga Bayern:
- Nuk ka as eksperiencën dhe as karakterin e duhur për të drejtur një klub si Bayern.
- Nuk ëhstë në ADN-në e tij të qenit bavarez, këtë e ka treguar edhe gjatë kohës kur ishte lojtar.
- Nuk ka personalitet për të udhëhequr një klub të madh drejt trofeve të rëndësishëm. Bundesligën bayern e fiton pa trajner.
- Nuk ka vizion në merkato (Edhe sikur bosët ta lejonin të blinte këdo që ai do të dëshironte, dëshira e tij e madhe do ishte që në Allianz Arena të sillte futbollistë si Perisiç, që as tek Inter primavera nuk ka vend).
- Asnjë trajner që në stol ka patur ndihmës vëllain, dhëndrin, ose të afërm të tjerë nuk ka patur sukses më Bayernin. (Ançeloti mori me vete gjithë farefisin dhe doli një hiç).
- Është një trajner që nuk ka asnjë komunikim me lojtarët dhe nuk di si ti motvojë para ndeshjeve të rëndësishme.
- Nuk di të mbajë qëndrim përballë ‘shefave’ Ribery dhe Roben, pasi nuk ka guxim ti ulë në stol.
- Nuk njeh skemë tjetër loje veç asaj që kemi parë në fushë këtë sezon.
- Thjeshtë duhet të ikë, pasi askush nga tifozët bavarezë nuk e sheh më.
