Jurgen Kurti, 26-vjeç, mbeti i vdekur mbrëmjen e së hënës pas një atentati nga persona ende të pa identifikuar.
Kurti shihet i shtrirë në tokë përmbys, i veshur sportiv dhe më çantë në kurriz.
Dosja.al publikon sot fotot ekskluzive të Kurtit, pak momente pas vrasjes, dhe siç shihet ai është i shtrirë në tokë përmbys, i veshur sportiv dhe më çantë në kurriz.
Kurti, i njohur si menaxheri i VIP-ave, u vra pranë shtëpisë së tijë në afërsi të stadiumit “Selman Stermasi” nga persona të maskuar.
Kurti sapo kishte zbritur nga makina e tij dhe po kalonte trotuarin për t’u ngjitur në banesë kur ndaj tij u qëllua duke e lënë vdekur në vend. Autorët duket se e kishin ndjekur duke kontrolluar të gjitha lëvizjet dhe në fund i bënë pritë poshtë banesës duke e vrarë.
Për vrasjen e Jurgen Kurtit policia ka shpallur të birin e tregtarit të vrarë në Durrës, Dervis Arapi, pasi menaxheri i VIP-ave, ka qenë një prej të akuzuarve kryesorë nga familja e tij për vrasjen e Agim Arapit.
Por pavarësisht kësaj, Vjollca Arapi, bashkëshortja e të ndjerit Agim Arapi, është shprehur se familja e saj nuk ka lidhje me këtë vrasje. Edhe Dervis Arapi pas shpalljes në kërkim policor, u shpreh se ndonëse nuk ka ndjerë dhimbje për vrasjen e Kurtit, ai nuk ka asnjë lidhje me ngjarjen. Dervis Arapi është shprehur se është në dizpozicion të policisë kur dhe ku të dojë ajo.
