Kandidati i LSI-së Nimet Musai, pasi ka plotësuar formularin në KQZ për tu bërë pjesë e opozitës së re në Kuvendin e Shqipërisë, ka paraqitur ditën e sotme edhe dorëheqjen e tij nga Këshilli Bashkiak i Fierit, ku prej vitesh përfaqësohej nga rradhët e LSI.
Pas verifikimit të formularit, në kuadër të ligjit të dekriminalizimit, KQZ do t’i japë mandatin e deputetit për të bërë më tej betimin në seancën plenare të Kuvendit të Shqipërisë.
Deri më tani, bashkë me Nimet Musain, në Kuvendin e Shqipërisë opozita e re parlamentare pas dorëheqjes së PD-së, LSI-së dhe aleatëve të djathtë, shkon në 16 deputetë.
11 kandidatë janë betuar në dy seancat e shkuara, tre deputetë, Mylsim Murrizi, Lefter Koka dhe Rudina Hajdari nuk hoqën dorë nga mandati, ndërsa më herët ka dorëzuar formularin në KQZ edhe kandidati i LSI-së në qarkun e Tiranës.
