Elmaz Sherifi, ish-deputet i PS-së dhe një prej ish-ministrave të saj, ka komentuar situatën politike në vend .
Sherifi ironizon përpjekjet për krijimin e opozitës së re, përmes deputetëve që po marrin mandatet.
“Kjo është opozita e re që do miratojë reformën zgjedhore dhe do të zyrtarizohet hapja e negociatave me BE. Nëse kjo do të ndodh Rama meriton çmimin NOBEL në politikë”, shkruan Sherifi.
Reagimi i plotë i Elmaz Sherifit:
“E tha vetë Rama” !
E çuditshme tha Rama në fushatën elektorale të 2017 në Berat. Lefteri ishte në listën e PD në Berat, u largua dhe po bën fushatë për PS. Maliqi tani është deputet dhe pretendon se është përfaqësues i elektoratit të PD.
E përshëndeti edhe Ahmeti për guximin dhe angazhimin e tij, se i ulur te vendi i kryetarit të PD në parlament, do udhëheq demokratët që ta heq edhe si kryetar.
Kjo është opozita e re që do miratojë reformën zgjedhore dhe do të zyrtarizohet hapja e negociatave me BE. Nëse kjo do të ndodh Rama meriton çmimin NOBEL në politikë. E përshëndes. Po a do ketë zgjedhje vendore?
