Prej 4 orësh banorët e Unazës së Re protestojnë në të njëjtin vend ku prej 136 ditësh kundërshtojnë projektin e qeverisë Rama që i shemb banesat e tyre.
Situata pasditen e sotme në Unazën e Re ishte tensionuar, për shkak të pranisë së shtuar të forcave të policisë.
Kreu demokrat tha se ka pasur një urdhër i paligjshëm për të shoqëruar banorët e Unazës së Re në mënyrë të paligjshme.
“Është një urdhër politik ndoshta nga Sandër Lleshaj ose Edi Rama. Kur bisha është plagosur bëhet edhe më agresive, sepse i vjen fundi.
Me çfarë argumenti u hodh gaz ndaj protestuesve në protestën e fundit para Kuvendit të Shqipërisë?
Kjo është një qeveri që erdhi në pushtet përmes bandave dhe po i shërben bandave”, tha Basha.
Në Unazën e Re ka pasur një prani të shtuar të efektivëve të repartit Shqiponja dhe FNSH-së, dhe kjo sipas banorëve të zonës, ka të bëjë me një plan për të arrestuar protestuesit. Pikërisht për këtë arsye banorët e Unazës së Re kanë qëndruar në rrugë për mbi 4 orë, ndërsa shumë prej ish-deputetëve të opozitës kanë qenë në krah të banorëve.
