Brishtësia e thonjve, rënia apo dobësimi i flokëve janë kthyer në shqetësim madhor për ju? Për fat të mirë duke konsumuar disa ushqime të shëndetshme, ju mund t’i riktheni në gjendje optimale. Flokë plot shkëlqim e të shëndetshëm, thonj gjithashtu.
Salmoni
Salmoni dhe peshq të tjerë me vaj janë një burim i shkëlqyer i acideve yndyrore omega-3, proteinave dhe vitaminës D, thelbësore për rritjen e flokëve të fortë dhe me shkëlqim.
Omega-3, në veçanti, është një lëndë ushqyese që ka treguar të jetë e dobishme për folikulat e flokëve dhe shëndetin e thonjve. Konsumi i të paktën 2 porcioneve në javë të këtij peshku ndihmon për të mbajtur flokët dhe thonjtë të fortë dhe të hidratuar.
Perimet e gjelbra
Sa më të gjelbra të jenë perimet, aq më shumë përfitime dhe lëndë ushqyese merr trupi ynë në përgjithësi. Këto perime furnizojnë me vitaminë A dhe C, të domosdoshme për të nxitur sekrecionet e vajrave natyrore, që mbajnë flokët dhe thonjtë të hidratuar në mënyrë të natyrshme.
Ato gjithashtu përmbajnë proteina dhe komponime antioksidante, të cilat ndihmojnë flokët dhe thonjtë të bëhen më të fortë. Ndër perimet jeshile janë sallata, spinaqi, brokoli, selinoja dhe majdanozi.
Bishtajoret
Të gjitha varietetet e bishtajoreve i sjellin trupit një masë të madhe ose të vogël me vitamina, minerale dhe proteina esenciale për flokë dhe thonj të shëndetshëm. Ata janë të rekomanduara veçanërisht për njerëzit që kanë probleme në këto zona të trupit, sepse e furnizojnë me proteina, hekur, zink dhe biotin, shumë të rëndësishëm për fortësinë dhe riparimin e tyre.
Bishtajoret e rekomanduara janë thjerrëzat, fasulet, bizelet dhe bathët.
Boronicat
Ky frut i vogël konsiderohet ndër më të mirët për shkak se është një burim i madh antioksidantësh. Sipas ekspertëve të ushqimit dhe bukurisë, antioksidantët janë të rëndësishëm sepse janë të vetmit të aftë të frenojnë veprimin e radikaleve të lira, molekula që shkaktojnë dëme duke rritur hormonet e stresit dhe inflamacionin.
Karrotat
Ajo është shumë e mirë dhe shija e saj e bën atë të përfshihet në shumë receta. Përveç kësaj, është mirë të dini se karota është një nga burimet kryesore të vitaminës E, C, kaliumit dhe betakarotenit, ushqyeses që forcojnë folikulat e flokëve dhe thonjtë.
Bajamet
Ato janë burim i mirë i proteinave dhe acideve yndyrore omega-3, të cilat stimulojnë prodhimin e keratinës në thonj dhe flokë. Bajamet i sjellin trupit minerale si magnezi dhe zinku, të cilat janë thelbësore në parandalimin e stresit, faktor që ndikon në rënien dhe brishtësinë e flokëve.
Birra
Birra është një nga burimet kryesore natyrore të silicit, një element që mund të rrisë qarkullimin në lëkurën e kokës për të nxitur rritjen e flokëve. Një studim ka treguar se 10 miligramë në ditë me silic mund të zvogëlojë brishtësinë e flokëve dhe thonjve vetëm në 20 javë. Vetëm një gotë birrë sjell më shumë se 10 miligramë të këtij minerali.
Drithërat
Drithërat janë të rekomanduara në shumë dieta, pasi ato janë një burim i rëndësishëm i fibrave, vitaminave, mineraleve dhe karbohidrateve. Përmbajtja e tyre me vitaminën B5 stimulon rritjen e flokëve dhe forcon thonjtë.
Midhjet
Ky ushqim ekzotik është një nga burimet më të mëdha të zinkut, mineral i nevojshëm për shumë procese biologjike të organizmit, duke përfshirë prodhimin e proteinave. Është vlerësuar se një pjatë midhje përmban deri në 74 gramë zink, po aq sa ushqime të tilla si mishi i pulës apo viçi
