Partizani dhe Teuta zhvilluan në “Selman Stërmasi” takimin e fundit të javës së 25-të të Kategorisë Superiore.
Të kuqtë fituan pastër 3-0, duke u shkëputur në krye të renditjes.
Tashmë diferenca me Kukësin e vendit të dytë është 9 pikë, çka mund të thuhet se skuadra e drejtuar nga Skënder Gega e ka hipotekuar titullin
Kuksianët humbën sfidën e tyre në Korçë me Skënderbeun, duke zbehur shanset për të kapur Partizanin në krye.
Ajo që ra në sy në takimet e kësaj jave është se dhuna nuk po ndahet nga stadiumet shqiptare.
Në mbyllje të takimit që u zhvillua në Fushë-Krujë mes Kastriotit dhe Tiranës (1-0), ndodhën sërish incidente. Madje ka patur edhe goditje ndaj futbollistit të Tiranës, Grent Halili (djali i presidentit Refik Halili).
Në takimin tjetër të kësaj jave, Laçi barazoi pa gola me Flamurtarin, duke ndarë nga 1 pikë me njëri-tjetrin.
Luftëtari mori fitoren 3-0 në tavolinë, pasi Kamza është përjashtuar nga kampionati. Pas fitores me Kukësin, Skënderbeu është kthyer fuqishëm në luftë për në Europë.
Më poshtë mund të shihni renditjen pas kësaj jave.
