Policia e Shtetit ka ngritur disa postoblloqe në rrugët kryesore të vendit, duke ushtruar kontrolle mbi automjetet që udhëtojnë drejt Tiranës.
Policia ka ndaluar mjetet që transportojnë mbështetës të opozitës, të cilët do të marrin pjesë në protestën që do të nisë në Tiranë në orën 11:00.
Sipas raportimeve, policia ka ndaluar pa shkak automjetet, ku në disa raste qytetarëve u janë kërkuar mjetet e identifikimit, ndërsa në raste të tjera drejtuesve të mjeteve u është bërë e qartë se duhet të qëndrojnë për disa minuta, pa u dhënë arsye ndalimi.
Deri më tani, policia nuk ka raportuar nëse nga kontrollet e ushtruara ka gjetur ose jo sende të paligjshme, apo qytetarë që mund të kenë probleme me ligjin.
