Protesta e opozitës para Kryeministrisë do të zgjasë 48 orë. Ky të paktën është vendimi i marrë nga partitë opozitare, por në fund vendimin final do e marrin qytetarët e pranishëm në protestë.
Burime nga partitë e opozitës theksojnë se pas konsultimeve me forumet drejtuese, është vendosur që ata të mbështesin një protestë 48-orëshe, edhe pse leja është refuzuar nga Policia e Shtetit.
Qytetarët do të pyeten nëse janë ose jot ë gatshëm të qëndrojnë 48 orë, që përkon me orën 11:00 të së hënës, dhe nëse ata do të jenë të gatshëm atëherë protestuesit do të qëndrojnë në bulevardin Dëshmorët e Kombit.
Nëse zbatohet ky skenar, atëherë protestuesit do të qëndrojnë përgjatë orëve të natës në boulevard, ndoshta me grupe të vogla, për t’u mbledhur sërisht nesër paradite në një protestë masive.
