Sot, më datë 15 mars, në orën 12:00, vëmendja e futbollit do të jetë spostuar e gjitha te goglat, kur tetë skuadrat çerekfinaliste do të mësojnë kundërshtarët e tyre të ardhshëm. Përveç Juventusit, ekipet e tjera të kualifikuara në këtë fazë janë Porto, Mançester Junajtid, Ajaksi, Totenhemi dhe Mançester Siti.
Dje, këtyre gjashtë ekipeve, u janë bashkuar edhe dy skuadrat e fundit, Liverpuli dhe Barcelona. Shorti do të jetë i lirë, pra, çdo skuadër mund të përballet me njëra-tjetrën. Ndeshjet e para çerekfinale do të zhvillohen në datat 9/10 prill, ndërsa ato të kthimit një javë më vonë, në datat 16/17 prill. Por sivjet, ndryshe nga sezoni i kaluar, do të bëhen të ditura edhe rruga drejt gjysmëfinales, ku çiftet e sotme do të dinë se cilën nga fitueset e çifteve të tjera do të kenë edhe në turin e radhës dhe rrjedhimisht edhe udhëtimin e plotë drejt finales së Madridit, më 1 qershor.
Provat e shortit – Në pritje të ceremonisë së sotme të Champions-it, UEFA ka bërë dje në mbrëmje provat e fundit, me të përditshmen angleze “The Sun” që ka siguruar edhe rezultatin e testeve, një eksperiment që Juventusi lutet të konfirmohet edhe sot. Në provat e UEFA-s, çiftet e simuluara kanë qenë JuventusPorto; Liverpul-Ajaks; Mançester Junajtid-Totenhem dhe superndeshja Mançester Siti-Barcelona.
