Kryetari i Partisë Demokratike i ka dërguar një mesazh ambasadave në Tiranë, që kanë reaguar lidhur me protestën e nesërme të thirrur nga opozita.
I pyetur nga gazetarët pikërisht për këto reagime, Basha tha: “Nuk i kërkoj të jenë palë me asnjë person në Shqipëri, me asnjë parti politike, por i kërkoj të jenë palë me vlerat për të cilat ata qëndrojnë, vlerat e demokracisë, të zgjedhjeve të lira e të ndershme, të luftës kundër krimit të organizuar dhe drogës, të luftës kundër korrupsionit, të luftës kundër shitblerjes së votës, probleme që i shprehu qartë edhe raporti i DASH para disa ditës. Protesta e nesërme do jetë një tjetër rast për shqiptarët për tu bashkuar dhe për të ngritur zërin. Shqiptarët tashmë e kanë kuptuar, që e vetmja mënyrë për të garantuar ndarjen e të keqes është protesta. Këtë e tregoi protesta e Teatrit, këtë e tregon protesta e banorëve të Unazës, këtë e tregoi protesta e studentëve, këtë e tregoi protesta e 16 shkurtit dhe protesta e tjera që pasuan. Këtë do ta tregojnë edhe protesta e të nesërmes për të cilën kam bindjen dhe informacionin që do të hyjë në histori si një nga protestat, një nga bashkimet më të mëdha të qytetarëve për të ndalur të keqen dhe për të hapur derën e mbyllur të Europës. Bashkë do ta hapim dhe duke hapur po këtë derë përmes vlerave evropiane, do kthejmë edhe shanset për liri, për mirëqënie dhe për zhvillim për çdo shqiptar në këtë vend”.
Deklarata u bë pas takimit me Ministrin e Jashtëm Çek, ku Basha ishte i shoqëruar me aleatët. /BN/
Lexo edhe: *Një ditë para protestës, BE kërkon zgjidhjen e situatës: Dialog mes palëve
*Protesta e opozitës/ Reagon ambasada: Ne i nxisim të gjithë aktorët e demokracisë …
LAJM NE PERDITESIM…
