Edhe pse gjykata e la të të lirë, Ervin Matën vetëm dy ditë pasi u vetëdorëzua në Polici, duket se ngjarja e rëndë në ish-Bllok s’ka përfunduar ende
“News 24” raporton se biznesmeni, i eshte drejtuar me nje kerkese organit te akuzes. Mata kërkon nga prokurët e çështjes të marrin edhe deshminë e tij lidhur me ngjarjen, dhe mësohet se prokuroria e ka administruar këtë kërkesë dhe do ta marrë në pyetje javën që vjen.
Mbi 32-vjeçarin Ervin Mata janë ngritur akuzat e vrasjes së mbetur në tentativë dhe armëmbajtje pa leje. Ai do vazhdojë të hetohet për përfshirjen ose jo në vrasjen e Fabian Gaxhës dhe plagosjen e Ervis Martinajt, mbrëmjen e 4 tetorit 2018, në zonën ish-Bllokut në Tiranë. Megjithatë, gjatë hetimeve ai nuk do të qëndrojë më në burg.
Prokurorët e dosjes pritet të ankimojnë vendimin në Gjykatën e Apelit, ku do kërkojnë sërish “Arrest me burg” për 32-vjeçarin.
Në dëshminë që ka dhënë në Policinë e Tiranës pas vetëdorëzimit, Ervin Mata është shprehur se është larguar sapo kanë nisur të shtënat dhe nuk e ka parë se kush ka qëlluar. Ai ka deklaruar përpara hetuesve se nuk është përfshirë në përplasjen me armë, nga e cila mbeti i vrarë Fabian Gaxha dhe u plagosën Eljon Hato dhe Ervis Martinaj.
Për momentin në burg, mbahet vetëm Ervis Martinaj, ndërsa vijon të jetë në arrati komando Meviol Bilo, i cili dyshohet se qëlloi në drejtim të Fabian Gaxhës, në momentin kur ky i fundit nxori armën dhe qëlloi në mes të lokal Monopol. Motiv i krimit, dyshohet të jetë një ngacmim verbal që iu bë jashtë ambienteve të lokalit, të fejuarës së Matës, këngëtares Elvana Gjata.
