Një 70-vjeçare është aksidentuar mesditën e sotme në aksin Lezhë-Milot. Sipas policisë, aksidenti ka ndodhur në kryqëzimin e Spitenit, ku një automjet i drejtuar nga 72 vjeçari Z.M ka përplasur këmbësoren, L.N, e cila është dërguar në spital.
Njoftimi i policisë
Sot, rreth orës 12:30, në autostraden Lezhë – Milot, në vendin e quajtur Kryqezini i Spitenit, shtetasi Z.M. 72 vjeç, duke drejtuar mjetin e tij tip Opel, ka aksidentuar shtetasen këmbësore L.N 70 vjeçe, e cila është dërguar në spitalin e Lezhës dhe ndodhet nën kujdesin mjekësor.
Drejtuesi i mjetit është shoqëruar në ambientet e Policisë, për veprime të mëtejshme hetimore proçedurale.
Grupi hetimor nën drejtimin e Prokurorisë pranë Gjykatës Shkallës Parë Lezhë, po kryejnë veprimet në vendngjarje për sqarimin e plotë të rrethanave të aksidentit.
