Askush i ulur në Parlament, pas dorëzimit të mandateve nga opozita, nuk përfaqëson Partinë Demokratike. Kështu u shpreh nënkryetari demokrat, Edi Paloka, për Faxnews, lidhur me marrjen e mandatit nga kandidati Alban Zeneli, i cili zëvendësoi Flamur Nokën si deputet i qarkut të Kukësit.
“E kemi bërë të qartë që askush në atë parlament nuk përfaqëson Partinë Demokratike.
Të gjithë ata që hyjnë apo dalin nga ai Parlament sot për ne janë njësoj, përfaqësojnë vetëm interesat e tyre.
Për ne ai parlament është Parlamenti i krimit dhe as PD-ja dhe asnjë forcë tjetër opozitare nuk ka më asnjë lidhje me atë parlament”, tha Paloka.
Nënkryetari demokrat ishte i deleguar në Kukës, ku ka zhvilluar një takim me strukturat e PD-së, lidhur më përgatitjet për protestën e 16 marsit.
“Protesta e 16 marsit do të jetë edhe më e madhe sesa ajo e 16 shkurtit dhe se nga sot e tutje komunikimin e kemi me qytetarët”, tha Paloka.
