Atletiko e Madridit ka udhëtuar dje drejt Italisë për sfidën e sotme ndaj Juventus për ndeshjen e kthimit në 1/8-at e Ligës së Kampionëve.
Ka qenë një udhëtim i vështirë për skuadrën madrilene dhe stafin e klubit spanjoll, të cilët 30 minutat e fundit të fluturimit i kanë kaluar me ankth, për shkak të erës së fortë që ka pushtuar Torinon dhe që ka bërë avionin të lëkundej me forcë. Për më tepër, edhe ulja në pistën e aeroportit torinez është bërë edhe më e vështirë nga era e fortë.
Gjithsesi, falë eksperiencës së pilotit, avioni është ulur pa dëmtime në pistë dhe në fund të gjithë duartrokitjet e pasagjerëve të çliruar nga ankthi kanë shkuar për të.
