Ministri I Brendshëm, Sandër Lleshaj, ka reaguar përmes një postimi në rrjet, lidhur me sjelljen e Policisë së Shtetit, ndaj banorëve në zonën pranë shkollës Petro Nini.
Lleshaj nuk e ka quajtur dinjitoz reagimin e Policisë së Shtetit. Në fakt punonjësit e policisë ndërhynë dhunshëm duke krijuar skena që vështirë se do të harrohen jo vetëm nga banorët që tentonin të mbronin banesën e tyre, por edhe ata që kanë parë situatat. Dhuna e policisë nuk u ndal as kur në skenë u shfaqën fëmijë të mitur që tentonin të mbronin prindërit e tyre.
“Mirëkuptim të plotë për reagimet ndaj pranisë së Policisë Shtetit në ekzekutimin e një veprimi përmbarimor, mbi një vendim gjykate të formës së prerë.
PSH ka detyrimin ligjor të mbështesë përmbarimin, por ka edhe detyrimin të jetë dinjitoze dhe efikase. Kjo s’ka ndodhur në këtë rast!”, shkruan Lleshaj.
