Një tjetër kandidat nga listat e Partisë Demokratike ka dorëzouar në KQZ formularët e dekriminalizimit. Bëhet fjalë për ish-deputetin Alban Zeneli, i cili ishte në listën shumëemërore të PD-së në qarkun e Kukësit.
Zeneli pritet të marrë mandatin e deputetit në vend të Flamur Nokës, i cili kryesonte këtë listë në zgjedhjet e fundit parlamentare.
Zeneli ka qenë më parë deputet i PD-së, në legjislaturën 2013-2017.
Në vitin 2015, qeveria miratoi VKM-në Nr.711 datë 26.8.2015, përmes së cilës iu akordua fondi në masën 4 000 000 (katër milionë) lekë të reja për kurimin e deputetit të Partisë Demokratike në Qarkun e Kukësit.
Sipas vendimit, ky fond do të përballohet nga Fondi i Sigurimit të Detyrueshëm të Kujdesit Shëndetësor dhe pagesa të bëhet me paraqitjen e faturave origjinale përkatëse të institucionit të mjekimit.
