Ish-deputeti demokrat, Ervin salianji, ka reaguar pas sjelljes së turpshme të dyshes Rama-Lleshjat, të cilët po kërkojnë të shiten si të pafajshëm para shqiptarëve pas ngjarjes skandaloze sot tek ‘Petro Nini’, ku policia dhunoi fëmijë dhe gra.
Me anë të një reagimi në Facebook, Salianji shkruan se Rama dhe Lleshaj po kërkojnë të pastrojnë duart, duke larguar drejtorët e policisë.
Sipas tij presioni i opinionit publik bëri që Rama dhe Lleshaj të reagojnë, por që reagimi i tyre është shumë qesharak.
Ja çfarë shkruan Salianji:
Lleshaj si Ponc Pilati!
Pasi i përdorin pa mëshirë kundër popullit të tyre, Rama dhe Lleshaj po largojnë drejtorët e policive në përpjekje pêr të pastruar imazhin e tyre si politikanët më të urryer!
Policia u përplas 6 orë më gra dhe fëmijë të pambrojtur në hall, me urdhër të Sandër Lleshajt, me dijëninë dhe me miratimin e tij dhe të kryeministrit. Tani është shumë vonë që të shfaqet i pafajshëm dhe të lajë duart si Ponc Pilati.
Presioni i opinionit publik po i bën të reagojnë në panik dhe të bëhen qesharakë. Policët e dinë se Drejtori i Tiranës është larguar tre ditë më parë nga detyra.
Rama dhe Lleshaj e kanë vulosur fatin e çdo polici në këtë shtet. Ata po i përdorin në mënyrë të paligjshme prej tyre dhe, në momentin kur prishin punë, do i flakin si limona të shtrydhur. Këtë ka bërë Rama me paraardhësit e tyre, këtë ka bërë edhe me gjyqtarët dhe prokurorët. Të gjithë të përdorur për pushtetin personal të Ramës!
Në 16 Mars të gjithë në këmbë për Shqipërinë! 🇦🇱
