Për hir të dashurisë e gatshme të sakrifikojë dhe karrierën e saj në Top Channel.
Largimi i Arbana Osmanit nga Top Channel dhe “Dua të të bëj të lumtur” ka qenë një nga temat më të diskutuara të javës. Media të ndryshme kanë shkruar gjatë gjithë javës se shkaqet e largimit të parakohshëm të saj kanë qenë nga pagesa e deri tek studioja që do vendosej në dispozicion të mediave të tjera.
Ndërsa “Mapo.al” sot ka publikuar një version të ri të kësaj historie. Mapo shkruan se shkaku pse Arbana ka dhënë dorëheqjen, ka qenë për shkak të klipit të ri që ka realizuar i dashuri i saj. Bëhet fjalë për këngën e re të Xhensila Myrtezajt dhe Pirro Çakos. Arbana ka postuar një pjesë të këngës ku Eduarti (i dashuri i saj) është regjisor dhe drejtuesit e Top Channel i kanë kërkuar ta heqë nga profili i saj në Instagram. Por Arbana nuk ka pranuar.
Më pas diskutimi është tensionuar dhe ka bërë që moderatorja të kërkojë dorëheqjen.
Por është bindur që të mos heqë dorë nga vendimi i largimit për shkak se kështu emisioni “Dua të të bëj të lumtur” do të mbetej përgjysmë dhe dëmin më të madh do e përjetonin personazhet e këtij emisioni.
