Gentjan Shehaj është shkarkuar nga detyra e Drejtorit të Policisë së Vlorës. Vendimi është marrë nga ministri i Brendshëm, Sandër Lleshaj.
Në vend të Shehajt është emëruar Artion Duka, i cili më parë ka drejtuar policinë e Beratit.
Shehaj ishte emëruar në këtë post me firmë të Fatmir Xhafaj, ndërsa nuk dihen largimi i tij nga posti i rëndësishëm.
Mësohet se ai do të ketë një detyrë të re në Akademinë e Sigurisë.
Kjo është lëvizja e parë në strukturat e larta drejtuese që nga momenti që Lleshaj është ulur në postin e ministrit të Brendshëm, ndërkohë që priten të tjera lëvizje në nivel drejtues.
Artion Duka, gjatë kohës që ministër i Brendshëm ishte Saimir Tahiri, mbante detyrën e Drejtorit të Forcave Operacionale.
Emri i tij doli në skenë gjatë hetimeve të nisura në atë kohë për pajisjen IMSI Catcher, ndërsa prokuroria ngriti akuzën e “Shpërdorimit të detyrës” dhe “Veprimeve që pengojnë zbulimin e të vërtetës”.
Në prill të 2018, Duka u emërua drejtor i Policisë në Berat, funksion që e mbajti më pak se 1 vit duke u tranferuar me të njëjtin funksion në Qarkun e Vlorës.
