Prej disa ditësh në artikulimet e tyre në opinionin publik, kreu i PD-së, Lulzim Basha dhe kryetarja e LSI-së, Monika Kryemadhi flasin për një tjetër dosje sekrete, e cila sipas tyre mund të fundosë kryeministrin Rama.
Ndërkohë, sot gjatë një takimi me strukturat e LSI-së në Gramsh, Monika Kryemadhi ka zbuluar të tjera detaje në lidhje me atë se çfarë përmban sipas saj kjo dosje.
“Dosja 184 tregon ministra e deputetë të përfshirë në blerjen e votave, në këmbim të lejimit të parcelave të hashashit në Dibër. Shkrirja e këtij parlamenti, e kësaj mazhorance e ardhur në pushtet me votat e krimit do të ishte e vetmja mënyrë për të sjellë stabilitet dhe për ti dhënë fund 30 viteve tranzicion dhe për të kthyer besimin e qytetarëve te shteti dhe politika”-tha ndër të tjera Kryemadhi.
