Gratë banore tek zona e njohur si Astiri, janë mbledhur gjatë orëve të para të mëngjesit të sotëm sëbashku me gratë opozitare për të protestuar kundër projektit të Unazës së Re.
Ato kanë kërkuar anullimin e këtj projekti dhe rikthimin e jetës së tyre në normalitet.
“Shikoni se sa shumë gra që jemi. Nënat dhe femrat e Unazës së Re do të vuajnë e do të jenë të nënshtruara për faj të një projekti që nuk duhet të ekzistojë. Anullo projektin! Edi Rama anullo projektin dhe jepi një shpresë grave dhe nënave!,’ janë shprehur banoret e kësaj zone.
Ndërkohë të pranishëm në këtë tubim kanë qenë edhe gratë e forcave opozitare të cilat kanë mbështetur kauzën e banorëve të Astirit, e vecanërisht të grave dhe nënave që kanë protestuar që në orët e para të mëngjesit, duke bërë thirrje për të anuluar projektin e Unazës së Re. /Boldnews.al/
