Ish-deputeti i Partisë Demokratike, Oerd Bylykbashi, i ftuar në emisionin ‘Të Paekspozuarit’, ka komentuar vizitën e Edi Ramës në Itali dhe propagandën e tij në disa media italiane.
Bylykbashi tha se Rama po tenton të pastrojë imazhin e tij, pasi e mbyti Europën me drogë dhe probleme të shumta prej bandave kriminale shqiptare, që operojnë në këto vende.
‘Imazhi që ka prodhuar Edi Rama, në gjashtë vite qeverisje, që kur bëri paktin me dreqin, me kriminelët për të marrë pushtetin, me atë vazhdoi. Produkti i paevitueshëm, do të ishte kriminalizimi i skajshëm i çdo aspekti të jetës. Bandat nuk janë thjesht në rrugë, por janë nëpër institucione.
Ne thelbin e kësaj historie, është Edi Rama.
Nëse të tre kanalet e mëdha publike të Italisë, kanë ardhur këtu, kjo tregon diçka.
Ata po reflektojnë interesin publik, për atë që po ndodh në Shqipëri, ata kanë drogën që u shkon me tonelata, kanë rrjetet kriminale të krimit të organizuar në rrugët e tyre, këta persona që më pas kthehen në Shqipëri dhe riciklojnë paratë e krimit.
Shqipëria ka rreth tre vjet që është rikthyer në listën e zezë. Rama bën një tentativë për të pastruar veten, por është vetëm për 24 orë, sepse mediat kuptojnë problemet e vërteta, sepse i kanë në rrugët e tyre”, u shpreh Bylykbashi.
