Nga Elton Laska
Në Kurbin, pasuri të shumta arkeologjike me vlera të çmuara historike kanë nevoje të shkunden nga pluhuri i harresës.
Pushteti lokal ndër vite nuk është kujdesur ti evidentojë këto pasuria, ndërsa Ministria e Kulturës mesa duket Kurbinin nuk e ka nën juridiksionin e saj.
Regjimi komunist për arsye tipike që lidhen me pushtetin dhe me faktin se historia e këtij vendi duhej të niste me komunistët, për 50 vite me radhë ka mbajtur të fshehtë faktin se shkolla e parë shqipe në Kurbin është hapur në fshatin Gallatë në vitin 1632 nga Imzot Gjon Koleci dhe jo në Korçë 255 vite më vonë siq e thotë historia jonë e manipuluar. Në fakt po ti referohemi Faik Konicës shkolla e parë në gjuhen Shqipe ishte Kolegji Saverian i urdhërit Françeskan nga kleri Katolik i cili hapi dyert në Ulqin dhe Shkodër në vitin 1258.
Le ta nderojmë Korçën për kontributin e saj në dobi të kulturës kombëtare, por mendoj se është me rëndësi të madhe për kombin tonë që datën e hapjes së shkollës parë Shqipe ta kemi edhe disa shekuj me tej në histori! Popuj të ndryshëm të botës kërkojnë me qiri data sa më të hershme për të dëshmuar se kanë rrënjë e janë popuj që kanë dashur kulturën e dijen. Kurse në Shqipëri ndodh dukuria më unikale në botë, mundohen ta fshehin të vërtetën.
Komunistët nuk mund të pranonin kurrë që shkolla e parë shqipe të ishte hapur në një zonë antikomuniste dhe pikërisht nga priftërinj.
Do ishte në nderin e pushtetit lokal, Ministrisë së Kulturës dhe mbarë kombit shqiptar të nisin punën për nxjerrjen në dritë të këtyre fakteve që dëshmojnë lashtësinë e popullit tonë dhe dëshirën për dije.
Ka ardhur koha që historianët e paguar nga Beogradi, Athina, Moska e Stambolli të zhduken nga Akademia e Shkencave dhe vendin e tyre ta zënë djem të rinj të apasionuar që do nxjerrin në dritë të vërtetat e historisë sonë që bota duhet ti njohë.
