Mbi 20 persona humbën jetën si pasojë e komplikacioneve nga gripi javën e fundit në Greqi. Të dhënat i referohen Qendrës Greke për Kontrollin dhe Parandalimin e Sëmundjeve (KEELPNO), raportojnë mediat greke.
Një njoftim i ri pritet të bëhet të enjten e ardhshme, me 14 mars, me shpresën se trendi në rritje i vdekjeve nga gripi në fund do të fillojë të pakësohet.
Sipas shifrave më të fundit të KEELPNO, 99 nga 111 njerëz të vdekur u shtruan në spital në njësitë e kujdesit intensiv, ku vetëm dymbëdhjetë nga viktimat u trajtuan në njësitë e rregullta spitalore.
Deri tani, gjithsej 337 njerëz në të gjithë vendin janë diagnostikuar me grip të rëndë në Greqi, me 325 individë të transferuar në njësi të kujdesit intensiv nëpër spitalet publike dhe private të vendit.
