Dhuna ndaj arbitrit Hamiti ka bërë që kampionati të ndalet në javën e 25-të të tij. Shoqata e arbitrave ka bojkotuar garën dhe FSHF kërkon rikthimin e policisë në stadiume. Ndërkohë kujtojmë se Kamza është përjashtuar nga kampionati dhe vitin e ardhshëm do ta nis nga Kategoria e Dytë. Safet Gjici, presidenti i Kukësit, e mbështet këtë vendim.
“Vendimi i arbitrave ishte i drejtë. Në këto kushte është e pamundur të vijohet gara, pasi situata mund të precipitonte akoma më shumë. Prezenca e Policisë në stadiume është e domosdoshme për sigurinë e garës,” u shpreh Gjici për Balkanweb, i cili shtoi se për ekipin e tij ky vendim nuk ka asnjë efekt.
