Përditësuar/ Gjykata e Apelit të Krimeve të Rënda ka rrëzuar kërkesën e e Prokurorisë për prishje të vendimit të gjykatës së shkallës së parë, duke lënë në fuqi vendimin për moszgjatje të hetimit ndaj ish-Ministrit të Brendshëm Saimir Tahiri.
Ish-ministri i Brendshëm, Saimir Tahiri, i shoqëruar nga avokati i tij ka shkuar në ambientet e Gjykatës së Apelit të Krimeve të Rënda ku ka zhvilluar betejën e radhës ndaj Prokurorisë. Pasi dëgjoi palët, Gjykata e Apelit vendosi që të linte në fuqi vendimin e shkallës së parë, ku u vendos që vendimi për çështjen e Tahirit të mbyllet brenda datës 10 mars.
Avokati i ish-ministrit Saimir Tahiri, është shprehur se materiali i paraqitur nga organi i akuzës në gjykatë, “’ska asnjë bazë ku mbështetet akuza e prokurorisë”. “Absurditet pretendimi që ka prokuroria asa nën mëngë, dokumente që i ka ruajtur për ti paraqitur në seancën parapake, s’ka, është absurditet ligjor. Po të kishte s’do çonte materialet italiane”, tha ai në një prononcim për gazetarët jashtë gjykatës.
Maks Haxhia tha se do të kërkohet pushimi i çështjes.“Prokuroria nuk asnjë provë dhe nuk ka sesi t’i ketë. Do të kukojmë pushimin e çështjes. Ne pretendojmë që të na jepet një fakt. Do bëjmë kallëzim për prokurorët, “, u shpreh avokati i Tahirit, Maks Haxhia.
Ishte ish-ministri ai që ankimoi vendimin për shtyrjen për herë të katërt të hetimeve me pretendimin se prisnin letra nga jashtë. Pasi mori ankimin Gjykata vendosi t’i jepte të drejtë ish-ministrit duke i kërkuar Prokurorisë që brenda 10 ditësh të dorëzonte dosjen bashkë me akuzat.
Në seancën e radhës, Tahiri do të përballet me tre akuzat e shpallura nga Prokuroria më 28 shkurt, të cilat janë : ‘Trafikimi i narkotikëve’, në bashkëpunim, në formën e grupit të strukturuar kriminal, ‘Grup i strukturuar kriminal’ dhe ‘Kryerja e veprave penale nga organizata kriminale dhe grupi i strukturuar kirminal’ parashikuara nga nenet 283/a/1, 28/4/ dhe 333/a/2 të Kodit Penal”të lartë shtetërorë”.
Pasi u njoh me akuzat Tahiri jashtë Gjykatës u shpreh se akzuat e ngritura ndaj tij ishin më të rënda se të Aldo Bares, por këmbënguli se ai do t’i shkonte deri në fund procesit. Tahiri nuk la pa komentuar edhe punën e Prokurorisë, duke u shprehur se procesi ndaj tij ishte i turpshëm, politik e i komanduar por pa përmendur asnjë emër.
Ish-ministri i Brendshëm, Saimir Tahiri është prej thuajse 2 vitesh nën hetim për bashkëpunim me grupin e Habilajve.
