Kreshnik Kusaj i njohur si Kika, i arrestuar që prej datës 7 Shkurt 2019 nga policia e tiranës vijon të qëndroi në burgun 302 pavarësisht se ai ka apeluar vendimin. Ai akuzohet për mashtrim, duke iu marrë shuma parash vajzave për të dalë në studion e emisionit të tij si dhe për kërkim favoresh seksuale ndaj disa djemve konkurentët në evenimentit “Mister and Miss Albania Plus” që do organizonte në fund të muajt Mars.
Raportohet se në vlerësimin e masës së sigurisë para gjykatës ai ka deklaruar se gjithçka thuhet është një i inskenim i “kuçedrës” siç ai pëlqyer të etiketojë bashkëprezantuesen e emisionit Zaida Çobo (dhe kjo ish banore e big brother 8).
Para gjykatës ai ka deklaruar se shumat prej më shumë se 300 eurosh që vajzat pretendojnë se i kanë paguar, ato ia kanë dhënë në formë dhurimi me kontratë të nënshkruar për fondacionin e tij.
Gjithashtu dhe pretendimet se prindërit e disa fëmijëve kanë paguar nga 50 euro për të recituar në emision sipas tij nuk qëndrojnë pasi i kanë dhuruar si pjesë të fondacionit. Për akuzat e të rinjve se ka kërkuar favore seksuale në këmbim të çmimit fitues ai i ka mohuar akuzat duke u rezervuar të jepte versionin e tij të plotë në një moment tjetër.
Ai ka akuzuar Zaiden se nëpërmjet inskenimit të kallëzimeve, po tenton ti marrë emisionin me qëllim promovimin e vajzave simpatike që punojnë tek lokali i saj në zonën e Yzberishtit në Tiranë në të cilin organizohen dhe party që sipas tij janë të dyshimta për nga veprimtaria tregtare.
Gazeta insajderi.com në kosovë kontaktoi me Zaidën e cila pohoi se kishte qenë iniciatorja e kallëzimit.
“Është e vërtetë që kam denoncuar Kreshnik Husajn dhe ai tashmë është arrestuar. Kam qenë e para që e kam denoncuar dhe që e kam vënë para përgjegjësisë bashkë me stafin. Nuk mjaftoi që ai abuzoi me emrin tim po ndërkohë ai nuk më pagoi për dy muaj e ca punë dhe mbi të gjitha nuk e pranoja dot faktin që mashtronte e merrte lekë nga njerëzit si pa të keq”, ka thënë fillimisht Zaida Çobo për Insajderin, duke vazhduar të tregoi se prokuroria është nën hetim të tij.
Ngjarja me përmasa skandali u mbajt e fshehtë për më shumë se dy javë për publikun.
Drejtuesit e televizionit “Channel One” të thirrur për të dëshmuar në cilësinë e personit që ka dijeni për rrethanat e krimit të denoncuar, kanë shpjeguar se Kikës i kanë shitur vetëm kohën televizive në shumën prej 5000 eurosh në muaj. Ata kanë paraqitur kontratën e nënshkruar mes palëve dhe faturën që provon pagesën e shumës. Ata kanë mohuar të kenë dijeni për veprimtarinë e prezantuesit pasi emisionin sipas tyre ai e çonte në të gatshëm në televizion.
Pasi ka vlerësuar të gjitha denoncimet, provat dhe faktet që lidhen me to me urdhër të prokurorisë Kreshnik Kusaj është arrestuar mesditën e 7 Shkurtit. Masa e sigurisë është konsideruar e vlefshme dhe nga Gjykata e Shkallës së parë Tiranë. Ndërsa emisioni “The One Show nga Kika” i transmetuar në Channel One është ndërprere.
Nga burgu 302 ku ndodhet aktualisht Kika ka apeluar masën e sigurisë në gjykatën e apelit /sosnews/
