Ligoraq Karamelo, kandidati i PD-së për deputet në qarkun e Korçës, ka depozituar në KQZ formularin e dekriminalizimit, duke hedhur në këtë mënyrë hapin e marrjes së mandatit. Karamelo, përfaqësues i PBDNJ-së, i përfshirë në listat e PD-së në zgjedhjet e 25 qershorit, ka deklaruar se mandatin e merr në emër të qytetarëve që e meritojnë.
Karamelo u shpreh kundër dorëzimit të mandateve nga opozita, duke konfirmuar se ka pasur përplasje me Vangjel Dulen, kryetar të PBDNJ-së, për çështjen në fjalë.
“Mandati i takon atyre që kanë dhënë contribute. Jam i detyruar të pranoj mandatin e deputetit, pasi kam qenë kundër braktisjes së Parlamentit”, tha Karamelo.
Opozita i ka cilësuar si tradhëtarë ata kandidatë që marrin mandatet, ndërsa sot bënë betimin si deputetë 4 prej emrave të kandiduar nga LSI.
