Presidenti i Sllovenisë, Borut Pahor i cili vizitoi sot Shqipërinë u shpreh në konferencën e përbashkët me Presidentin tonë, Ilir Meta se mbështet idenë për korrektimin e kufijve. Në një deklaratë nga Presidenca krah kreut shqiptar të shtetit, ai shtoi se ndryshimi i kufijve nuk duhet bërë mbi baza entike, sepse më pas vihet në rrezik siguria në rajonin e Ballkanit.
“Qeveria slloneve është e frenuar, por unë jam shprehur për zgjidhje të krizës në mënyrë paqësore. Pra kam thënë se mund të shihet opsioni i ndryshimit të kufijve, por me disa kushte të caktuara. Jam i hapur edhe për këtë variant nëse dy shtetet, një mundësi të tillë do e menaxhojnë në mënyrë të të mençur me mbështetjen e faktorit ndërkombëtar. Një akt i tillë i guximshëm duhet të mos çojë në një konflikt apo si njihet ndryshe efekti domino që mund të cënojë sigurinë e rajonit. Mbështetës korrektimin e kufijve, por jo mbi bazë nacionale (etnike)”, tha Pahor.
Ndërsa Meta u shpreh se ai mbështeti dialogun mes dy vendeve, por shtoi se kjo çështje është përgjegjësi e Kosovës dhe Shqipëria duhet të shmangë çdo ndërhyrje.
“Shqipëri e mbështet shtetin e pavarur të Kosovës. çështja e dialogut është përgjegjësi që ju takon udhëheqësve të Kosovës dhe çdo ndërhyrje nga ne do ishte mungesë respekti për institucionet e pavarura të Kosovës. Unë përkrah dialogun mes Kosovës dhe Serbisë si e vetmja rrugë për të forcuar marrëdhëniet mes tyre. Që nga koha kur krimineli i Ballkanit u rrëzua me votë edhe nga populli serb marrëdhënia e Shqipërisë me Serbinë kanë qenë të mira dhe do vazhdojmë të punojmë për t’i forcuar këto raporte bilaterale duke menduar që kjo ndihmon edhe në dialogun me Kosovën, por kurrë se marr përsipër të përfaqësoj Kosovën për çështje që ajo i ka me Serbinë”, u shpreh Presidenti Meta. /Boldnews.al/
