Ish-zv.ministri i Arsimit në qeverinë Rama, Taulant Muka, ka reaguar përmes një komenti në rrjet, lidhur me deklarimet e tenorit Saimir Pirgu, sipas të cilit do t’I duheshin 200 mijë shfaqje për të rikuperuar imazhin e dëmtuar që shkaktohej nga djegia e një gome.
Deklarata e Pirgut shkaktoi polemika të shumta, një prej të cilave është edhe ajo e Mukës.
Muka shprehet se, do të gëzohej shumë sikur në Tiranë të kishte sa më shumë goma të djegura si shenjë protestë për gjendjen e mjerueshme në arsim.
Komenti i Taulant Mukës
Mua nuk me turperon asnje gome e djegur ne Tirane! Perkundrazi, me dhemb pamundesia per te ndryshuar realitetin ne vendin tim, e sidomos ne arsim e larte!
Puna kerkimore qe une bej i perket institucionit qe une punoj, dhe eshte treguesi i perfomances dhe karrieres time, jo nje gome e djegur ne Tirane.
Sidoqofte, do gezohesha shume sikur ne Tirane te kishte sa me shume goma te djegura si shenje proteste per gjendjen e mjerueshme ne arsim, dhe jo per partite!
Pa arsim cilesor dhe me penen ne doren e te paditurve, Shqiperia do vazhdoje te jete nje xhungel shume larg te qenurit civilizim!
