Kryetari i opozitës Lulzim Basha, pas takimit me presidentin e Sllovenisë, Borud Pahor, është ndalur para mediave ku ka komentuar edhe ftesën për dialog të bërë nga presidenti Ilir meta.
Basha tha para gazetarëve se tashmë opozita dhe shqiptarët janë të vendosur për të mos bërë asnjë hap pas, por vetëm hapa para. Ai tha se e vetmja zgjidhje përballë krimit të organizuar dhe qeverisë së Ramës, është lufta pa kompromis.
‘Takova kreun e shtetit slloven të cilit i shpreha mirënjohjen e thellë për mbështetjen e jashtëzakonshme që na kanë dhënë në rrugëtimin drejt BE dhe NATO. Rikujtova ndihmën që presidenti Pahor na ka dhënë në anëtarësimin në NATO dhe në liberalizimin e vizave. Në këtë kuadër pata mundësinë ta siguroj se PD mbettë e përkushtuar për vlerat evropiane për Shqipërinë dhe shqiptarët, përmes rivendosjes së demokracisë përmes zgjedhjeve të lira dhe të ndershme. Mos ndryshimit të kufijve por zhvleftësimit të tyre për qarkullimin e lirë, në mënyrë që një orë e më parë të hapet rruga nga krimi dhe korrupsioni, që shqiptarët të udhëtojnë drejt Evropës me kokën lart, duke bërë të mundur jetesën në vendin tonë.
Unë nuk kam ndërmend të komentoj asnjë deklaratë të presidentit Meta. Po ju them se përballë një qeverie të krimit nuk ka për të pasur asnjë hap pas, por vetëm hapa përpara. Largimi një orë e më parë i Edi Ramës dhe krimit, do tu japë shqiptarëve atë që meritojnë, një parlament dhe qeveri të votës së tyre, dhe jo parlament të krimit dhe të Niçeve. Nesër në protestë me qytetarët, ju bëjë thirrje të gjithëve të jemi të gjithë bashkë në këtë betejë që bëhet për të çliruar vendin nga krimi’, deklaroi Basha.
https://www.facebook.com/lulzimbasha.al/videos/813168675749828/
