Propaganda qeveritare se punët po shkojnë mbroth, u shfaq sërish këtë të shtunë në mëngjes, në faqen zyrtare në Facebook të kryeministrit Edi Rama.
Përmes një ‘kronike’ të kuruar me kujdes, materiali i servirur, synonte të krijojnë idenë se portali qeveritar “shqipëriaqëduam.al” është vendi i duhur ku padrejtësitë e sistemit ndaj qytetarëve, zgjidhen si me magji.
Megjithatë, duket sikur tanimë kjo propagandë nuk mjafton për ti ngopur qytetarët me lugë bosh dhe këtë ja kanë vënë në dukje edhe në komentet ku Rama tenton të shpalosë materiale filmike të stisura në më mënyrë të tillë që të krijojë idenë se jeta në Shqipëri është lule. Kështu ka ndodhur edhe në rastin e videos së publikuar këtë të shtunë.
“Shërbimet sociale në Shqipëri janë tmerrësisht keq! Tmerrësisht burokratike dhe kurruptive!! Në qoftëse nuk do ti bëjmë qefin vetes”, është një nga komentet e shumta që i vënë në dukje kreut të qeverisë realitetin krejt të ndryshëm nga prodhimet me markën “ERTV”.
Një tjetër komentues, vë në dukje propagandën e theksuar me të cilën kreu i qeverisë synon të tjetërsojë realitetin në sytë e qytetarëve. “Më thuaj një kryeministër në botë që vetëm prodhon e shet filma me tirazh të shkurtër si puna jote, s’është mllef ky jo dhe mos u mërzit kur të shajnë natyrisht ka dhe gjëra që bëhen po ato i ke për detyrë mos na i shit si arritje”.
“Mbas 2 vjetësh, normale që do mbarosh, se duhet për reklamë”, është një tjetër koment.
/Boldnews.al/
