“Shqiptaret po protestojnë se nuk duan te qeverisen nga Elisa Spiropali me kaq shumë pasuri të paligjshme, duke vjedhur shqiptarët”. Kështu e nis reagimin e saj në Facebook, Albana Vokshi, deputetja demokrate e cila dorëzoi mandatin e ligjvënëses disa ditë më parë, bashkë me grupin e opozitës.
“Shqiptarët po protestojnë se nuk duan të qeverisen nga Edi Rama, sipas OSBE me një pasuri të paligjshme 200 milionë euro. Shqiptarët po protestojnë që vota e tyre të mos vidhet me paratë e korrupsionit e të mos u shantazhohet nga qeveria e bërë palë me bandat dhe krimin”, shprehet Vokshi.
“Ne, bashkë me shqiptarët, kërkojmë të kemi të njëjtën Qeverisje për qytetarët sic Knut Fleckenstein ka në Gjermani, sic Tunne Kelam ka në Estoni, siç Juan Fernando Lopez Aguilar ka në Spanjë, siç Bas Belder ka në Hollandë. Shqiptarët nuk janë qytetarë të dorës së dytë. Shqiptarë janë qytetarë europainë dhe nuk pranojnë asgjë më pak se atë që vendet anëtare të Bashkimit Europian u japin qytetarëve të tyre”, e mbyll reagimin Vokshi.
