Një aksident i rëndë ka ndodhur pasditen e sotme në fshatin Rrotull, Manzë, teksa humbi jetën 31 vjeçarja, Mirela Daci.
Në aksidentin e rëndë janë përfshirë dy automjete, njëri që drejtohej nga viktima, dhe tjetri nga shtetasi J.O, 34 vjeç, banues në Tiranë.
Nga fotot duket se makina është dëmtuar shumë, aq sa për të nxjerrë të lënduarit dhe trupin e pajetë të 31 vjeçares, kanë ndërhyrë ekipet e zjarrfikësve
Në makinë me shtetasen Mirela Daci ishte e motra dhe dy fëmijët, 9 dhe 7 vjeçarë. Këta të fundit ndodhen në spital nën kujdesin e mjekëve, jashtë rrëzikut për jetën.
NJOFTIMI PARAPRAK I POLICISË:
“Në fshatin Rrotull, Manzë, shtetasi J.O., 34 vjeç , banues në Tiranë duke drejtuar mjetin me targë AA 666 SP është përplasur me mjetin më targa AA 875 LX , me drejtuese shtetasen M.D., 31 vjeçe, e cila ka ndërruar jetë.
Në makinë ndodheshin shtetasja B.Sh., 35 vjeçe dhe dy fëmijë 9 dhe 7 vjeçe të cilat u transportuan në Spitalin Rajonal Durrës dhe ndodhen nën kujdesin e mjekëve. Grupi Hetimor ndodhet në vendngjarje dhe po punon për zbardhjen e shkakut të aksidentit.
