Analisti italian Alberto Negri e cilësoi Kryeministrin Edi Rama si pjesë të establishmentit dhe e ftoi që të marrë përgjegjësitë për gjendjen ku ndodhet vendi.
Debati është bërë në programin televiziv TG2 të RAI 2 ku ishte i ftuar edhe Kryeministri Edi Rama.
Kur Edi Rama deklaroi se në Shqipëri nuk kishte revolucion popullor, por revoltë e pallatit të vjetër, që po reagon për shkak se qeveria e tij po lufton drogën dhe lojërat e fatit, Negri reagoi duke thënë: pjesë e establishmentit jeni edhe ju, është koha të merrni përgjegjësi.
Negri i përmendi kryeministrit edhe marrjen të pandehur të ish-ministrit të tij të brendshëm, Saimir Tahiri. Ai tha se në vend qarkullojnë 2 miliardë euro para të krimit, që përbëjnë një rrezik.
Gazetari i tha Ramës se nga vendi janë larguar 500 mijë njerëz.
“Nëse njerëzit emigrojnë, do të thotë se aty gjërat nuk janë mire”, tha analisti.
