Një shpërthim i telekomanduar ka shkaktuar panic te banorët e një pallati, të njohur si i gjyqtarëve, në rrugën Mihal Popi, pranë zonës Vasil Shanto në Tiranë.
Mësohet se eksplozivi është vendosur në derën e apartamentit të shtetasit Vasillaq Stavri, nga Gjirokastra.
Burimet policore bëjnë të ditur se ky shtetas ka qenë edhe shënjestra e atentatit. Ai nuk është pjesë e sistemit të drejtësisë, ndërsa në këtë pallat të ndërtuar në 1995, banojnë gjyqtarë dhe prokurorë.
Nga të dhënat e para mësohet se sasia e eksplozivit që ka shpërthyer ka qenë 100 ose 200 gram, ndërsa apartamenti ndodhet në katin e 2-të të pallatit.
Dyshimet janë se autorë të atentatit janë dy persona, që mendohet se kanë shfrytëzuar errësirën për t’u larguar.
Nga shpërthimi ka pasur dëme material, ndërsa janë sekuestruar kamerat e sigurisë së disa bizneseve në zonë.
