Komuniteti Mysliman i Shqipërisë do të zgjedhë kryetarin e ri për një mandat 5-vjeçar. Zgjedhjet do të mbahen më 2 mars, ndërsa në garë janë Skënder Bruçaj, i cili kërkon një mandat të dytë për të drejtuar këtë institucion fetar, dhe dy kandidatë të tjerë, Ylli Gurra, Myftiu i Tiranës dhe Gëzim Abdishaku, inspektor i xhamive.
Kryetari i ri do të zgjidhet me votim të fshehtë nga 12 anëtarët e Kryesisë së Komunitetit Mysliman, 35 myftinj si dhe anëtarë nga shoqëria civile.
Gjatë ditës së shtunë pritet të shpallet edhe fituesi.
Zgjedhja e drejtuesit të ri të komunitetit Mysliman pritet të pasohet edhe me përfundimin e punimeve të Xhamisë së Namazgjasë në vjeshtë.
