Është i ndërgjegjshëm, madje pranon me plot gojën se skuadra është në një krizë të madhe, por nga ana tjetër, jep disa sinjale të forta për futbollistët, trajnerin, kapitenin dhe tifozët.
Presidenti Ardjan Takaj ka rrëfyer dje ekskluzivisht për “Panorama Sport” momentin kritik që po kalon ekipi, i cili në nëntë ndeshjet e fundit në kampionat ka pësuar tetë humbje, duke u kthyer një dekadë pas.
Zoti Takaj, çfarë po ndodh me Skënderbeun?
Kriza është shumë e madhe dhe këtë duhet ta pranojmë.
Trajneri Orges Shehi vazhdon të ketë besimin tuaj?
Nuk ka çështje trajneri te Skënderbeu. Me Shehin kemi një projekt afatgjatë dhe do të vazhdojmë punën. Problemi nuk është vazhdon apo jo Shehi, por fakti që po humbim shumë ndeshje me të njëjtën mënyrë. U bënë gati 12 takime me histori të njëjtë dhe kjo është ajo që më shqetëson më shumë.
Lojtarët e rinj që kanë ardhur dhe ata që janë në ekip prej kohësh, mbajnë veshur një fanellë të rëndë dhe normalisht presioni është i madh, pasi edhe kundërshtarët janë të shumtë që na luftojnë. Problemi tani është se sa do të përballojë ky grup lojtarësh sfidat që i presin në vazhdimësi. Të gjithë duhet të jenë shumë herë më të përgjegjshëm për ta ndierë edhe peshën e fanellës.
Duket se vendimi i KASit po zvarritet gjithnjë e më tepër. A ka ndonjë lajm të ri në lidhje me këtë çështje?
Besoj se në muajin prill do të vendoset gjithçka./Boldnews.al/
