Shkëlzen Berisha, i është përgjigjur Taulant Ballës, pas deklaratave të këtij të undit për gjyqin e sotëm, ku kreu i grupit socialist nuk u paraqit.
Me anë të një reagimi në Facebook, Berisha shkruan se Balla duhet të sqarojë lidhjet që ka me trafikantët e drogës.
Reagimi Shkëlzen Berishës:
Tualet Kasem Balla!
Nuk të pengojnë ‘hallet e popullit’ të japësh llogari përse ke udhëtuar më shumë me trafikantin e drogës se me tët shoqe.
Nuk të ndalon ‘meraku’ për elektoratin për të kthyer përgjigje nëse këto udhëtime janë paguar me paratë e drogës apo me paratë e tenderave publike.
Nuk të pengojnë ‘hallet e Elbasanit’ të japësh sqarime për 6 milionë euro që u janë vjedhur shqiptarëve dhe bërë dhuratë në kundërshtim me çdo ligj mikut tënd trafikant pasi jeni kthyer nga udhëtimet së bashku.
Pergjigjet për sa më lart mund ti japësh edhe nëse je duke u ‘tretur’ për popullin, edhe nëse je duke u englendisur me Mond Begon.
P.S
Hallet e mia me ty zgjasin sa një seancë Tualeti.
Reagimi i juristit Shkëlzen Berisha, vjen pas reagimit të Taulant Ballës me një status në Facebook, ku shkruan se: ‘e pata të pamundur të jem sot aty përballë teje për arsye angazhimi si deputet në qarkun e Elbasanit’.
Taulant Balla sot u fsheh, duke munguar në përballjen me juristin Shkëlzen Berisha në Gjykatën e Tiranës.
Ndërkohë që Balla më herët shkruante:
Shkëlzen Sali Berisha! Paske bilbilosur para Gjykatës sot në mungesën time dhe qenke trimëruar mesa shoh para gazetarëve, por mos të të rrejë mendja se do shpëtosh dot pa u ndërshkuar në dosjen CEZ!
E pata të pamundur të jem sot aty përballë teje për arsye angazhimi si deputet në qarkun e Elbasanit, por herën tjetër do marr masat që të mos mungoj. Tani që të iku edhe babi nga Parlamenti njëherë e mirë, do të të përkushtohem me të gjithë seriozitetin që meriton një thëngjill i zbuluar si ti. Bëhu gati Zen se halle të mëdha të presin.
