Sot në mbrëmje luhet ndeshja e këthimit e vlefshme për gjysmëfinalet e Kupës së Mbretit mes Realit të Madridit dhe Barcelonës.
Nëse shikon rezultatin 1-1 të ndeshjes së parë në “Camp Nou”, duket sikur “Los Blancos” nisen favoritë ndaj katalanasve, për shkak të golit të shënuar në fushë kundërshtare.
Megjithatë, po t’u hedhësh një sy statistikave të përballjeve mes dy ekipeve në Kupën e Mbretit, shumë thjesht mund të kuptohet se Barcelona në shumicën e ndeshjeve ia ka arritur të dalë me kokën lart nga “Bernabeu”.
Një statistikë që tregon se katalanasit e kanë kthyer stadiumin e galaktikëve në një “shëtitje”, teksa ndihen si në shtëpinë e tyre.
E njëjta situatë ka ndodhur edhe me Realin e Madridit, që ka treguar performancë më superiore në transfertë, megjithatë sërish madrilenët nuk kanë shkuar më shumë se 4 fitore në 17 ndeshje, teksa në 7 prej tyre kanë pësuar disfatë.
Me sa duket, sot në mbrëmje Barcelona do t’u besojë statistikave në favorin e saj për të prekur finalen e Kupës, ndërsa Reali do të kërkojë të tregojë se kush komandon në Madrid.
