Edmond Panariti, deputet i LSI, ka reaguar lidhur me përdorimin e gazit luftarak ndaj protestuesve, në protestën e djeshme para Parlamentit.
Panariti shkruan se një komision hetimor të hetoje “bombat” lakrimogjene të përdorura.
“Ky komision të beje publik lënden helmuese aktive dhe përqendrimin e saj në aerosol. Nëse përqëndrimi i CS del 5% dhe jo 1%, atëherë ky quhet helmim”, shkruan Panariti.
Ja postimi tij i plotë:
Për të gjithë ata që hodhen gaz lotsjelles në popull dhe apologjeteve te ketij akti!
Zeri më autoritar në fushën e mjekesise sot, revista shkencore “Lancet” në editorialin e saj të vitit 1998, apelon për ndalimin e menjëhershëm të përdorimit të kësaj lende kimike për shperndarjen e turmave. Referojuni:(“Safety”of chemical batons. Lancet 1998, 352 :159) .
Ky apel i ketij zeri të padiskutueshem dhe autoritar të mjekesise, behet për një perqendrim 1% të lendes aktive CS në aerosol (gaz) të hedhur mbi turma. Sipas të gjitha gjasave perqendrimi i principit aktiv CS në lenden kimike të shperndare dy here mbi njerezit tanë është disa here me i lartë (5 here).
Prandaj një komision hetimor të hetoje “bombat” lakrimogjene të perdorura. Ky komision të beje publik lenden helmuese aktive dhe perqendrimin e saj në aerosol.. Nese perqendrimi i CS del 5% dhe jo 1%,atehere ky quhet helmim.
