Kuvendi ka mbyllur seancën plenare, e cila ka nisur rreth orës 17:00, ndërsa deputetët kanë dalë nga hyrja dytësore, që përkon me pedonalen.
Deputetët kanë dalë nën masa të forta sigurie, ndërsa drejtues të opozitës kanë tërhequr protestuesit në drejtim të rrugës së Elbasanit, duke shmangur konfrontimin.
Tom Doshi dhe Anastas Angjeli ishin ndër deputetët e parë që kanë lënë sallën e Kuvendit dhe kanë dalë jashtë godinës parlamentare.
Me megafon përfaqësues të opozitës i kanë cilësuar si minj ligjvënësit socialist.
“Hynë si minj, po largohen si minj”, dëgjohej nga mikrofoni që ishte në duart e protestuesve.
