Gazetarja Mirela Milori u shpreh mbrëmjen e sotme se përplasja e madhe mes policisë dhe protestuesve ka ndodhur sapo taulant balla përfundoi fjalën e tij në Kuvend.
“Balla deklaroi në Kuvend se zgjedhjet e ardhshme do të mbahen në 2021 dhe se mazhoranca ka votat për të qeverisur. Ky është momenti që ka ndezur protestën. Pas fjalës së Ballës ka marrë fjalën Bushati dhe këtu duket se protestuesit dhe policia për disa minuta janë përleshur.
Përdorimi i gazit është ndjerë deri në zonën e 9-katsheve, ku mjaft qytetarë ikën me vrap edhe pse nuk kishin punë me protestën”, tha Milori në studion e Opinion.
Ajo shtoi se nuk ka përshtypjen që protestuesit donin në hynin në Parlament.
