Taulant Balla, kreu i Grupit Parlamentar të PS-së, u shpreh sot në favor të kandidimit të vangjush Dakos si kryebashkiak i Durrësit.
Balla tha se Dako ka bërë punë që e meriton ta kandidodh sërisht për kryebashkiak.
I pyetur mbi përgjimet për blerjen e votave, ku shfaqet Vangjush Dako duke folur me pjesëtarë të një grupi kriminal, Balla theksoi se “deklaroj me përgjegjësi se PS nuk blen vota. Kemi marrë rreth 50 mijë vota më shumë se në 2013. Ajo që më vjen keq është kur shoh sot PD-në ose Bashën me në krah Monikën, kur unë kujtoj çdo natë procesin zgjedhor të 2017 kur kandidati i PD më shkruante pafund se ç’bënte LSI në Gramsh apo Cërrik. Këta e dinë çfarë rezultati zgjedhjesh marrin dhe nesër”.
“Kemi para zgjedhjet administrative. Unë uroj që procesi i vetasgjësimit të PD e LSI, të them të drejtën për PD si opozita kryesore më vjen keq, të mos shkojë drejt bojkotimit të zgjedhjeve vendore. Vetasgjësimi i tyre nuk shkon deri në këtë pikë. Zgjedhjet vendore janë këtë qershor zgjedhjet e përgjithshme në qershor 2021”, theksoi Balla.
