Strukturat e Partisë Demokratike kanë nisur përgatitjet për protestën e rradhës së opozitës, e cila do të mbahet ditën e enjte, 28 shkurt, para Parlamentit të Shqipërisë.
Deputetë, anëtarë të Kryesisë dhe Këshillit Kombëtar të PD-së, janë angazhuar në takimet me strukturat lokale, në përgatitje të kësaj proteste, por edhe shtrirjes së tyre në të gjitha qytetet kryesore të vendit.
Kryesia e degës së PD-së në Shkodër kanë zhvilluar një mbledhje ku i pranishëm ishte deputeti Flamur Noka.
Në fokus të diskutimeve të kësaj mbledhjeje ishte organizimi i protestës që do të zhvillohet ditën e enjte, me datë 28.02.2019, në Tiranë para Parlamentit.
“Koha për fjalë ka mbaruar !
Hapat drejt krijimit të Parlamentit të ri popullor do të vijojnë të enjten”, shkruan kreu i degës së PD-së, Xhevdet Amuli .
